Uratë Për Mikun

————————–

Uratën për mikun
Kultivo në plantacionin e kopshtit
të shpirtit
Mbështill mirësinë
Me të mirat e gjithë kësaj bote
E shpërndaje atë
Si një tëndafil zemre përtej teje

Dashamirësinë ndriço!
Me sinqeritetin e virtytit të mirës
E respektin reflekto
Të pastër si shkëlqimi i diellit
Të mos e zbehë
Asnjë furtunë e rastësisë

Ruaje atë
Në kopshtin e dashamirësisë
E lutu
Për të mirat e kësaj bote
Që asnjë e ligë
Mos të të shkelë mbi të

/www.qendrapress.com/