Fryma poetike e së dielës me poetin;-Hekuran HALILI

Ekstazë prilli në Sarandë

——————————–

Puth Tokën ,

si Atlasi,

e “hedh” mbi shpinë,

e mbaj,

më mban…

Zgjas duart,

për “flokësh”,

kap Hënën,

e puth marrëzisht,

më puth çmëndurisht…

Dielli ,

vëllai im i madh,

gatit për mua,

orkestrën e harqeve,

bërë me tela rrezesh ,

të lozim bashkë,

simfoninë e meraqeve…

Saranda,

në ekstazë pranverore,

shëtit bregut të detit,

si një shënjtore,

ndjekur pas,

nga dyzet “ shënjtor”,

ndërsa deti,

me valët lozonjare,

mistershëm mërmërin,

e shndrin…

Këtu,

po ndodh një magji,

ka zbrit prej dyzet qiejsh,

Ai,

i magjishmi,

Prilli…

/www.qendrapress.com/