Fryma poetike e së dielës me poetin;-Luan SHESHI

SIKUR TË QE NDRYSHE

—————————-

Sikur të qe ndryshe,

flladi erë e fortë të qe,

të mos kish dallandyshe,

qiellit grindur plot rrufe…

Bubullima rreth e qark,

zhurmë, potere…lemeri,

koha thurur në një thark,

vallë ç’do beja hiç s’e di…

Terrin mbase do e grisja,

që Pranvera të vërshonte,

gjuhë-zjarrtat do t’i prisja,

Dielli prapë të rrezatonte…

Sikur të qe ndryshe,

dallgë e Jetës të qe pis,

të mos kish dallandyshe,

djerrit do të bëhesha lis…

/QendraPress/