Fryma poetike e së dielës me poetin;-Sabit RRUSTEMI
ATY KU MBIN LIRIA
————————————–
( Varianti final i një poezie e cila fillimisht u shkrua më 12 janar 2018, pastaj u plotësua , pas një viti me rastin e ripublikimit dhe, më 12 janar 2023 e rishikova sërish duke ia dhënë njëkohësisht dhe dorën e fundit/
Kur bora fle mbi gjethe
——————————–
dimni randohet s’e majnë as lisat
në kambë mbesin deri në sosje
veç dal’Zotësit e k’tij Dheu
Nëpër batica zbatica e teprica
pop’lli t’hollohet e përbirohet
acarit qi e djeg deri në asht
Prej nëndheut
si dardan i farës moçme
përpushet shkundet e zjarr bahet
vetë mulla Idriz Gillani
Ky Promethe i kohëve të vona
me një gjysmë shekulli jetë
zjarr e prush deri n’hi u ba
Për pak shpresë e besë
shpirtin ia la k’tij poplli e k’tij qielli
qi n’dritë e qiti e i dha emën
Dushmanëve të njerëzimit ua la n’grusht
vetëm peshën e mbetun të trupit t’vet
Në atë të shtune të vonë nëntori
f’tyrën e tij thonë e kanë pa n’flakë
tuj u përbirue pej Kaushe
e tuj u ngjitë qiellit përpjetë
Bajke dritë si n’jaj diell
e shndëriste si sot mbi këtë vend
përbetohej mixha jem
Sa dukej mbi Kikë,
përdirdhej e dilte n’Grykë t’Konçulit
tuj u sjell dej mbi Shkup te ai Gur i Zi
se k’nej ish e mbet Shipni
Gjinja zunë të rr’fehen për emnin e Tij
sa herë përdridhej mbi male bora
a n’pikë t’verës i gjunte reja
Aty ku mbin liria
nëpër djepa
shlirë përkunet fëmija
e shtohet gjallnia
Dhe jeta falë ma shumë dashni
për me hy në nji milenium të ri
( 12 dhjetor 2018 – 12 kallnor 2019 – 12 kallnor 2022 )
# Kausha – ish burgu famëkeq i Gjilanit, aty ku u dogj edhe Mulla Idrizi, në agun e ditës së shtunë të 26 nëntorit 1949 )
x/www.QendraPress.com/