Fryma poetike e së dielës me poetin:-Sahit,F.OSMANI

TË VIJË NJË DITË E NESËRME…

——————————————-

Të vijë një ditë e nesërme, jo si kjo;

e turbullut në qëndrueshmërinë e saj

të përpin e të shuan gjithë lumturinë

dhe jeta merr frymë me lotë e vaj

Të vijë një ditë e nesërme ,jo si kjo,

heshtur qëndron përballë marrëzive

edhe ëndrrën e thurur të pushton

për dashurinë me krahë të engjëjve

Të vijë një ditë e nesërme, jo si kjo,

që pengon kalimin për në ditën tjetër

e të shtyn ditën pa shijuar lumturitë

mbushur plot me dashurinë e zemrës

Të vijë një ditë e nesërme, jo si kjo, por,

t’i zgjojë ndërgjegjet me mirësi

në sy mos të ketë lotë që përvëlojnë

po jeta të rrjedhë me lumin e dritës!

/QendraPress/