Fryma poetike e së dielës me poetin;-Sami MULAJ

DHE MBI DHE

(…nga ata që nuk kanë flamur, as Skënderbe …)

————————————————————

Trupit të Atdheut,

shtrirë gjerë e gjatë në dhe

as pas katërdhjetë ditësh,

as pas katërdhjetë vitesh

e as pas katërdhjetë shekujsh,

nuk i është nda mishi prej eshtnave,

aty është,

as nuk ka vdekë,…

e as nuk ka me vdekë.

Vetëm dërrasat e vorrit

po i kërcasin,

sa shumë bijtë e tij,

po i shtojnë dhe.

mbi dhe…

SMulaj

Korrik 31, 2025

New Jersey, USA /

QendraPress