Fryma poetike e së dielës me poetin:-Skender BERISHA
MË SHUMË SE VONË
—————————
E vonuar besa e vonuar
Edhe luleshtogu mbaroi
Lumi shterri edhe firoi
Sa shumë ke nguruar
Një vit treti si kjo ditë
Lulebliri del së shpejti
Mbush me erë ta dish
Ti ende as ndreq as prish
Retë vijnë e shprishen pas mali
Gërryen gurë e gurë malli
Këndej e përtej Drini gjelbërim
Nëpër rrjedhë gëlon një përmallim
E vonuar besa e vonuar shumë
U thyen dyert rrahur nga era
Nuk ka trokëllima tjera
Sa trishtueshëm rrjedh ky lumë
17 maj 2025
/QendraPress
