Fryma poetike e së dielës me poetin;Brahim AVDYLI

ZANAT E DETIT

1.

Sa të ik

përtej ujërave

nga bota çmendurake

lëkundjet e ujit

i dridhin

brigjet e këngës

e llapërçitem

mendimeve të degdisura

me etjen e gjërave

që nuk mund t`i them,

as për lotët e tharë

në bebëzat e kohës!…

2.

Befas

degdisen sirenat

deri te bregu i këngëve

apo përpëlitjeve

të pakuptimta

sizanat e valëve

e qeshen

me mendjet e tretura

nëpër fishkëllima vargjesh

syzanat…

3.

Zana uji

e zana të valëve

si zana të këngëve

me lot,

që përplasen kurdoherë

nëpër dallgë shpirti,

e nuk e di

a do të më marrin me vete

ndonjë ditë

e të më shpien

përgjithmonë

në detin e pafund të këngës!…

Hurden/SZ,

28.05.2020

/www.QendraPress.com/