Fryma poetike e së dielës me poetin;Gëzim AJGERAJ

PËRMBYTJA E MADHE

——————————————–

Terri i së djeshmes na kish verbuar
Malli na i kish djegur ëndrrat nëpër shekuj
Për pak rreze dielli këtij nënqielli të nxirë

Sa gjatë kishim ecur tehut të shpatës
Netët shekullore pa hënë e pa dritë
Tek i ndiznim kandil kokave tona

U desh t’i jepnim gjak nga etja
E nga ashti e mishi e ndërtuam kalanë e dritës

E sotmja na gjeti të zgjuar e plot etje
Kush më shumë e kush më pak për dritën
Që zbriti pa sitë lustracioni

Pak e kishim dashtë atdheun më shumë veten
Nga ligësi e etjes së xhepave kishim vuajtur
Se kush t’i ngulë bajraqet atje te sheshi

Idealizmi e patriotizmi u demoduan kësaj zallahie
Sharlatanë e lapangjozë i hëngrën shkëlqimin krenarisë
Përmbytja e madhe na i përpiu shkëlqimin dritës

Tanimë jemi bërë hiena nate
Tek hamë kokat e njëri – tjetrit
Dhe shkëlqimin e dritës së atdheut ia nxijmë orë e çast

Sa shpejt e harruam të djeshmen

PARANTEZA E MENDIMIT

————————————–

Dhe kur s’ lidhen ato
Me kuptimësin e fjalës
I kërkojmë nëpër frazat mendimit
Për ta ushyer gjenetikën
E dritës së vargut

Dhe sa herë që fjala
Na këputet nga muzë e mendimit
Si një frutë që e trazon era e furtunës
Nëpër frazën e gjenetikës së sajë
Kërkojmë ta kapim mehlemin e kuptimësisë

Dhe nëpër ndërtimin sintaksor
I kërkojmë lidhshmërin e mendimit
Për ti dhënë jetë metaforave

Dhe tek rikthehemi frikshëm
Ndërmjetësimeve anësore të fjalës
I gjejmë dritën e mendimit

Që paranteza e mendimit
Të hyjë në varg

/www.QendraPress.com/