Fryma poetike e së dielës me poetin;Gëzim AJGERAJ
Sogje
———————-
Kam një jetë shikimi më është ngrirë
përtej guri
dhe nuk më ndahet një hije e zezë
për asnjë çast
seç më mban peng ideali
dhe ajo bjeshkë e ndarë atje majë mali,
e ai gur
mbi plagë ç’më rëndon
shpesh ma zë rrezen e diellit mbi Kukës
e me pamjen e brishtë
dritën ma verbon
mbi Prizren
eh, kam një jetë që i kam vënë syrin
se si erdhi ora
se diellin me copëza
po e shoh
2022, Prizren
/www.QendraPress.com/
