Fryma poetike e së dielës me poetin:Gëzim AJGERAJ
ANTI’HIMN
———————–
Pak guvë mendimi
pak etje
dhe pak fjalë
nga më e ëmbla muzë
nga më e thukta rrjedhë
pikoi fjala
e ra në varg
lum ai që e mbolli
e, e ushqeu
për të nesërmen e dritës
miq
ninullave të saj
lum kush e rriti mendimin
i madhi i së nesërmeve
2024
PËR FJALËN
——————
po e thellë
po e etshme
lindi fjala
me gjakun e mendimit
polli anatemë e saj
e u bë dritë
pak kush e besoi
në shkëlqimin e saj
vetëm poeti
e gdhendi e gdhendi
me daltën e mendimit
për nuse në vargun e fjalës
pastaj u martua
dhe vdiq në prehrin e saj
lum ai çfarë vdekje
në shtratin e vargut
më i miri
mbeti lapidarë
në epitafin e fjalës
PËR DRITËN E SAJ
—————————
Nga koka
dhe hirësia e saj
lindi mendimi
për pak etje
dhe dritë
ia kish etja etjen
pak kush
ia kishte pritur
shkëlqimin
vetëm ai
që e mbolli në fjalê
ia kish lakmi shkëlqimin
të nesërmen
ajo u bë jehonë
në hapësirën e dritë
ai s’vdiq
po u bë shenjtëri
nën dritën e saj
lum si ai
/www.QendraPress.com/
