Fryma poetike e së dielës me poetin:Myrteza MARA

I DUA ZOGJTË

—————————–

I kam zili zogjtë,

për dashurinë,

me dritën e agimeve

puthen të parët.

Më dhimbsen zogjtë,

viktima grabitqarësh

pa një vend varri

ku të qajnë të gjallët!

I shoh zogjtë

përherë të ngopur,

përherë të uritur,

si buza e një vajze

që çahet e zhuritur.

I dua zogjtë

mbështjellë pafajësi…

Ah,

të ishim dhe ne pak zogj

do bëheshim

më shumë NJERI!

/www.QendraPress.com/