Fryma poetike e së dielës me poetin;Skender BERISHA

ME DETIN

————————-

Hap dy krahët dhe të përqaf

Sa i madh je

Të marr në gji të tërin

Më zvogëlohesh

Deti im

Zhytem në pafundësinë tënde

Të arrij deri te zemra jote

Deri te algat

Të algohem edhe unë

Ngjitem mbi valët tua

Shkrumbëzoj si shkuma

Më ngre lartë

E kaltëroj si qielli

Dhe takoj pulëbardhat

Sa i plotë ndihem

Dhe krejt i yti

Atje m’u prej fundesh

E deri sipëri

/www.QendraPress.com/