Fryma poetike e së dielës me poezinë e poetes:Semela LUSHKA
Gjithçka e rrethuar prej blusë
Imagjinoj krejt esencat e blusë
Qe zbusin jeshilen e thellë të tokës
Esencën e lule diellit kulluar
Ose retë rozë në skaj të qiellit
Aty mbi Mal të Qytetit A Mal të Thatë
Që te stolat e parkut përplasen në shesh të gjolit
Rrotullojnë në ajër gazetën e harruar
Kushedi prej kujt, sdihet
Pastaj zbret në kaçurrelat e verdha të zonjës së parë
Me një gotë verë nën delir hareje
Festës së vonë në sheshin e qytetit
Reflektime të arta dritat e skenës festive
Pihet verë pa dolli
Kanë ikur të parët bekrinjtë e vjetër
Që përndiznin shtëpitë nga hareja
Pihej verë sundonte e kuqja në fyt
E hidhej valle bekrinjsh
Shterna moj zonjë shtjerna shtjerna verë të pimë
edhe në aromën e gështenjave përhumbem
Në bordurat ulur në shesh me ngjyrën e perëndimit të diellit
Mbi fund konturet e qytetit
Tuhanna me shoqet kërcen fëminorçe dlirësisht
Festë kolektive pa datë fix thjesht hapen butet
Në melodinë e erës dëgjoj të vetes rrahje zemre
Festohet kur ikin ngjyrat pas perëndimit
Ne kërkojmë shkëndija gëzimi çdo ditë
Në të kuqe të verës shquaj kaçurrelat e verdha të zonjës së parë…
S .L
/www.qendrapress.com
