Fryma poetike e së mërkurës me poeten;-Adelina PALI

Dhe për ditët e lira ndjeva mall

———————————————-

Tek rri mendoj mes ëndërrimeve,

Më përkëdhel një degë portokalli.

Një fjalë më vjen mes drithërimeve,

Një flutur mbi fytyrë më ndali.

Nuk e trazova, thashë “le të rrijë!”

Dhe për ditët e lira ndjeva mall.

Paçka se fjala më shpoi në brinjë,

Jam hyjneshë, s’jam aspak një djall.

S’i largoj fluturat, as fijet e barit,

Me ta djajtë dhe shtrigat largoj.

Sytë i mbaj larg, feksjes së një fari,

Me dritë, me mirësi njerëzit afroj… /www.qendrapress.com/