Fryma poetike e së mërkurës me poeten;-Afërdita SELENICA

Trishtim vjeshtor

———————————

Ej ti kamerier,ti që shkon e vjen si erë

Të lutem në gotën time mos hidh më verë!

Të lutem kamerier mos hidh më verë

Në gotën time ka një derë

Të flak të gjitha helmet ma bëj këtë nder!

Të lutem kamerier!

Në gotën time më lër pak vend bosh

Gëzimet e helmet me verë të bardhë t’i josh

Të pijë e të dehem së bashku me to

Më pas,më pas ti eja,eja e shiko..

Shiko si dergjet një pikë verë e një merak

Si del nga fundgota një e fortë shuplakë

Për gjithë lotët që netëve unë derdha kot

Për gjithë dredhitë e botës që u mblodhën tok.

Ti eja e shiko ,rri e dëgjo

Nga fundi i gotës sime

Gjithë deti rënkon

Gjithë valët mbytën hallet

Gjithë qielli ulërimë

Në fundin bosh të botës

I kuq gjithë shpirti im!

Ej ,ti,kamerier

Të lutem thyema gotën mbushur me kaq vrer..

Të lutem m’a bëj këtë nder!

/www.qendrapress.com/