Fryma poetike e së mërkurës me poeten;-Alma MEHMETI

Kalëruar mbi një re

—————————————–

Mbi një re të bardhë kalëruar qiellit,

Të vija tek ju, se syri më është tharë,

Në ditën e gjatë, shokë ju bëra diellit,

Se nata e errët botën e kish ndarë.

Shkruar disa lutje, nën jastëk tek flija,

Djalli i tërbuar, në portë të ndalonte,

Roje ju bëhesha ëndrrave të mija,

E liga e hidhur përtej udhës të shkonte.

Varr u bë kjo botë, skëterrë gjithandej,

Shikimi i mjegullt, mbetur ngrirë nën këmbë,

Merakun e tyre nga sytë ju rrëmbej,

Mbi renë e bardhë, rrufenë e frikës shembë.

Do nisem të vij mbi një re kalëruar,

Me shpatën e kalorësit të vras pritjen dhe mallin,

Luftën e heshtur me armikun, fituar,

Në ferrin e përjetshëm shkelmuar djallin.

Zot mi ruaj si sytë në ballë,

Se për ta kam merak e mall.

/www.QendraPresss.com/