Fryma poetike e së mërkurës me poeten;- Dava Gjoka LLESHAJ
NJERIU PLAKET DUKE MËSUAR !
—————————————–
Baba im nuk kishte shkollë
Por se fjala i zinte vend
Ishte i urtë e mendjehollë
Edhe sot unë e mbaj mend !
Baba s’kishte as pasuri
Ashtu si gjithë njerëzit e fshatit
Ah më thoshte , dëgjo bijë
Jeta shpesh i nënshtrohet fatit !
Dhe pse shkollë nuk kishte baba
Shumë këshilla më ka lënë
Nuk kishte tituj e as grada
Por s’harroj ç’ka më ka thënë !
I mbaj mend fjalët e tij
Kur shumë vite i kish’ kaluar
Mos harro ,m’thoshte ,moj bijë
Njeriu plaket duke mësuar !
Gjithmonë më thoshte mua baba
Bijë ,me njerëzit të kesh kujdes
Jo kujtdo që të del para
Bija ime ,mos ze besë !
Në pamje të parë parë thu’ s’ka si ky
Se t’lan’ e t’lyen me fjalë të mira
Më thoshte ,bijë , kujdes ti
Kanë me ardh ‘ kohë të vështira !
Më thoshte baba , fol më pak
E dëgjo shumë ,ti, bija ime
Duke mësuar ke me u plak’
Se vetë jeta të jep mësime !
/QendraPress/
