Fryma poetike e së mërkurës me poeten;-Elmije AJAZI

Bujashka e Zemrës

————————

Në trungun e heshtur të shpirtit tim,

ku dimrat kanë lënë gjurmë të ftohta,

ti vjen si shtresë e butë drite,

si lëvorja që mbron thelbin nga tharja.

Je mbështjellja ime e padukshme,

që s’lejon erërat e hidhura

të çajnë në palcë.

Kur plagët hapen si çarje në dru,

i mbulon me durim,

me ngrohtësi,

me frymën tënde të qetë.

Nëse unë jam pemë e lodhur,

ti je arsyeja pse ende gjelbëroj,

pse lëngu i jetës

rrjedh pa u tharë.

Bujashka nuk ankohet ,

por mban brenda forcën

që zemra të mos bëhet dru i thatë.

Dhe në heshtje

të quaj

mbrojtja ime më e ëmbël.

/QendraPress/