Fryma poetike e së mërkurës me poeten;- Erina ÇOKU

 LETËR ME FRYMË

—————————————–

I dashtun,

Si po të duket qyteti?

Rrëketë e njerëzve mbushin rrjedhat e fatit

gjeografi e pasigurt dheut tonë

dhe kalimtarët ndoshta shkëmbehen me mua e pastaj me ty,

rrugëve kryq të kohës.

Asgjë nuk dimë, po ende jemi gjallë, o Zot.

Si po të duket qyteti?

Shtresë e zhurmshme mbi tokë

ku dashnia pa emër, më e bukur se ajo me emër,

nuk këndohet dot, po ndodh.

Se ende jemi gjallë, o Zot.

Si po të duket qyteti?

Ku gjallë jemi ende, unë e ti, o Zot.

T’puth frymën.

 /www.QendraPress.com/