Fryma poetike e së mërkurës me poeten: Ibadete S.LIVAREKA

Shkolla e malit

————————-

Dhelpra sygacëlluar ujkut i ra në kasollë

mjafton ta ruaj bishtin të kem mendje të hollë

këtë injorancë ujk e mundim veç me shkollë

s’ka rëndësi gëzofi dhe qimja që po e nd’rron.

Eh seç ranë pëllitjet me gjuhë në gërshërë

kafshët që pëllitnin thanë duam të flasim

ujku zbardhi dhëmbët tha çfarë do të na thoni

mos na thuani gjë që na bën t’ju ngasim.

Zotëri ujk, nënshtruar me hirë tha gomari

kush mund të thotë gjë, ty të të shqetësojë

na jep një mundësi kafshët t’i thërrasim

në shkollën e pyllit unë do të ligjërojë.

Të duhet diploma gomar kokëshkretë

dhe me shkathtësi fjale zotësinë ta dëshmosh

ta dish barrën që merr askush nuk ta heqë

mos shpreso se kalit mundesh t’ia ngarkosh.

Tëholloi si zërin problemin gomari

s’është fjala për kashtë as për bari të tharë

po do e marr vet tha barrën me këmbëngulje

çdo kompleks që zinte i ngjante në ar.

/www.QendraPress.com/