Fryma poetike e së mërkurës me poeten: Jahe FIDA

Më trazoi letër e vjetër!

————————————–

Diku në fund sepeti ruaja si thesar

Letrat e hershme të kohës së rinisë

Më trazoi letër e vjetër, më bëri të marr

Prej ndjenjave të hershme të dashurisë.

Ajo fjalë e ëmbël mjaltë: Të du pa fund

Kish mbetur fjetur sikur dashuria

S’kishte gojë, nuk foli, se pash askund

Qëkur ajo iku lartë, atje tek perëndia.

Vetëm sa pak letrës pluhuri iu tund

Shëtita rrufeshëm, ashtu si dikur

Tek kroi, pema stoli, korie, gjithkund

Ku shëtisja me dashurinë e bukur.

Ndjenjat e trazuara, pësuan gënjeshtër

Se pash dashurin, qe vetëm vegim

Pasoj e arkivës me atë letër të vjetër

Tashmë, i lumtur në një tjetër udhëtim!

CASSANO D’ADDA, Milano- ITALI

më 28.05.2024.-

/www.QendraPress.com/