Fryma poetike e së mërkurës më poeten:-Mimoza SELMANI

Një ditë

———————–

Një ditë …një ditë s’di se kur,

do marr shpirtin në krah

E do të nisem nëpër udhë,

e botën do ta rrah .

E në çdo gjurmë që do të lë

do hedh një kristal shpirti

Në çdo vend do mbledh një fjalë

prej shenjti a eremiti .

E kur nga udhë do të kthehem

prapë shpirtin do e ndjek.

E do ti lë një fjalë të ngrohtë

aty ku dhimbjen prek .

E do ti lë një fjalë të mençur

aty ku fjala vlen

E do ta fshij çdo fjalë të rëndë

aty ku pesha bien .

Se fjalët janë thesar i çmuar,

e lum kush ja di vlerën

Nuk kanë as krahë edhe as duar,

por fluturojnë me erën

Të ndjekin, prekin, përqafojnë,

shërojnë ti thuash mirë

Por kur nga gojë e keqe dalin,

të vrasin pa mëshirë.

/www.qendrapress.com/