Fryma poetike e së mërkurës  me poeten;-Nexha REÇICA

MUAJI I MAJIT

———————

Muaji i luleve është maji…

Ai vjen perëndisht mbi pemë

shkund lulet e bardha

për ti fluturuar me erë.

Maj i lashtë vjen me vesë,

i bleruar përkulet para diellit,

mbledh puhizat dhe pikat e shiut

për të rritur bimë e jetë.

Maji është muaji i fluturimit

të zogjve në kthim

hirin qiellor

e hedh për gjallërim.

Maj i bukur

me mjellma shumë

të dua,

jo vetëm për mirësi

por se në maj u linda unë.

10 maj 2023

/www.qendrapress.com/