Fryma poetike e së mërkurës me poeten: Remzie Raci REXHBOGAJ
VALËT E NJË ËNDRRE
———————————
Nëpër valët e një ëndrre
Rrugë të gjatë sonte kam bërë
Në fusha të bukura plot me lule
Engjëllin tim aty kam lënë
Në ëndërr të bukur unë fluturoja
Lart shumë lartë përmbi re
Në qiellin blu në mes të yjeve
Yllin tim aty kam lënë
Mbi dallgë deti si lodroja
Ëndërr bukura s’më lënte frikë
Në bregun tjetër të ati deti
Erna ishte duke më pritë
Në buzëqeshje i shndërriste fytyra
Dhe vraponte me më përqafu
Porsi engjëll fluturoi
Në ylber shpejt u shndërrua. /www.qendrapress.com
