Fryma poetike e së mërkurës me poeten:- Sevëme FETIQI 

DISA GRA

(kushtuar grave që ndrruan jetë nga dhuna e burrave)

————————– 

Disa gra

nuk bëjnë grim

ato i kanë gropëzat

në faqe

Disa gra

nuk mbajnë stoli

ato kanë sy që iu shkëlqejnë

edhe në errësirë

Disa gra

nuk kanë nevojë

të flasin

ato i kanë shikimet e thella

porsi deti

Disa gra

nuk kanë nevojë për armë

ato kanë buzëqeshje të ëmbla

madje edhe kur vdesin

Disa gra janë nëna

ato kanë në duar diellin e tërë

ato kanë prehërin plot ngrohtësi

Gratë janë njeri

e ata që i vrasin

janë bijtë e grave.  /www.QendraPress.com