Fryma poetike e së mërkurës  me  poeten;-Valbona HOTI

Konkuroj vetem me veten time .

———————————————

Nuk jam në konkurrencë me askënd,

vetëm me veten time,

atë person që isha dje,

në hapat e saja të ngatërruara,

në ëndrrat dhe

në frikën që e mbante të lidhur.

Çdo ditë është një duel i heshtur,

një sfidë që nuk duket jashtë,

por që dridhet brenda shpirtit tim.

Sot nuk kërkoj të jem më e mirë se tjetri,

nuk krahasoj jetën time me botën jashtë,

por shikoj pas dhe shoh hije që më ngacmojnë,

atë person që isha dje,

dhe e sfidoj me butësi dhe vendosmëri.

Çdo frymë, çdo hap, çdo mendim,

është një rrugë drejt versionit tim më të mirë.

Fitore është të mos kthehem prapa,

të mos jem rob i së kaluarës,

dhe të lë të dalë drita ime

më e fortë, më e qartë, më e vërtetë.

Unë nuk garoj me botën,

por me veten time, çdo ditë,

dhe në këtë garë të heshtur,

çdo hap është një triumf,

çdo ditë një fitore,

sepse jam duke u bërë më shumë

se ajo që isha dje.

/QendraPress/