Fryma poetike e së mërkurës me poeten;- Valbona R.HADRI

Një gjeth i këputur

————————————-

Një gjeth i varur në degë të pemës

Në dorën time bie ngadalë

Me trup të artë, me ngjyrë prej vjeshtës

Por krejt pa gjak gjysmë i tharë

Mbi tokën e lagësht dhe të ftohtë

Do të bjer pas pak për tu bërë hi

Por kjo për të vdekur s’do të thotë

Ai do të ringjallet përsëri

I veshur me kujtime vere,

Një ikje e tillë e trishton pak

Megjithatë nuk e jep vetën

Nuk i derdh lotët varg e varg

Ai e di mirë ciklin e jetës

Me vjeshtën kurrë nuk mban mëri

Mbas dimrit do të vij prapë pranvera

Dhe do të gufoj blerimi i ri

Një gjeth i këputur prej një dege

Vallëzon me erën në këtë tetor

Gjithë pylli im mban aromë vjeshte

Dhe fllad vargjesh dashuror.

/www.QendraPress.com/