Fryma poetike e se mërkurës me poeten;-Vilma NIKA

Do të vij…

——————————

Do të vij me erën e luleve

kur ua lan vesën mëngjesi.

Me të dehurën e një puthjeje

që të skuqurën të më ndezi.

Do të vij me gjysma fjalësh

si fëmija në të nxënë.

Të qëndroj në grusht petalesh

nëse hënës,s’është e thënë!

Aty flutur le të bëhem

apo bletë që vonë u zgjua.

Më mjafton të jetë dhe ethe

diellit s’do ti kërkoj hua.

Do ia marr muzën zemrës

të ma prekë lotin ndjesisë.

Psherëtimën, aromë bjeshkësh

epsh,mëkat të dashurisë.

Do të vij me vargje malli

do të vij kur fjalët heshtin.

Mall i mbetur, sy një djali

ditët ende të buzëqeshin.

/QendraPress/