Fryma poetike e së mërkurës me poeten;-Violeta KADRIU

DUA PAQE

————————-

Dëshiroj që në planet

çdoherë paqe të ketë,

çdo njeri në Atdheun e tij

ta ndiejë veten mbret!

Dëshiroj që errësirë e thellë nate

ta puthë çdo ditë agimin,

që zemra të dëlira të ndërtojnë t’larta kate,

mos ta ndiejnë në shpirt trishtimin!

Dorë e zgjatur varfanjaku,

të bëjë paqe me shpirtgjerësinë,

kafaz mos të njohë trumcaku,

të thyhen burgjet për njerëzinë!

Në mes çdo feje e race njerëzore,

të ketë paqe e dashuri në botë,

që luftërat vrasëse ndërvëllazërore,

ta cakërrojnë t’ pajtimit t’përjetshëm gotë!

Paqe në mes akullnajës e Diellit,

paqe në mes Tokës e Qiellit,

paqe në mes zjarrit e malit,

në mes zemrës së vashës e djalit

/www.qendrapress.com/