Fryma poetike e së mërkurës me poeten:-Zamira AGALLIU

Të iki apo të vij?

——————————-

Rrotullohet globi Nënë

Në oqeanin e trupit tënd unë rri

Linda dhe nuk po qaj dot Nënë

Jam në dilemë, të iki apo të vij

Infektohet Toka nga virusi Nënë

Atëherë nuk qenka jeta mrekulli

Pret të më ndjesh aromën Nënë

Jam nĕ dilemë, të iki apo të vij!

Rrotullohet qyteti Nënë

Në kosh të plerave qan një fëmijë

Mjeket me presin kordonin Nënë

Jam në dilemë, të iki apo të vij!

Rrotullohet shtëpia Nënë

Atje dashuria ndjehet si melodi

Çarçaf të bardhë më presin Nënë

Jam në dilemë, të iki apo të vij

Rrotullohet shpirti im Nënë

Kjo jetë nuk paska qetësi

Corona, dhuna, lufta Nënë

Jam në dilemë, të iki apo të vij!

Rrotullohet shpirti yt Nënë

Ai mban brenda Paqe Dashuri

Bota prej teje lindi Nënë

Unë qaj dhe qumështin e jetës pi!

/www.qendrapress.com/