Fryma poetike e së mërkurës me poeten:Donika Meta GJURA

KUR ÇIFTI ZBATON KODIN E FAMILJES!

~~~~~~

Sa e bukur të bëhet jeta,

Kur një familje të re krijon,

E kur ka një dashuri t’sinqertë

Themele t’sigurta mbi të ndërton..

Familjen s’e tund asnjë tërmet,

Kur çifti e zbaton kodin e saj,

As muret dhe as themelet,

Nuk ka forcë në Botë t’i çajë.

Më këndshëm familja t’bëhet,

Kur ka mirëkuptim e harmoni,

E kur çifti n’bisedë shtrohen,

Dhe e shohin njeri-tjetrin n’sy.

Kur vjen dhe fëmija në jetë,

Rritet me at’ kulturë e dashuri,

ADN- ja e prindërve e ndjek,

Gjithë jetën deri në pleqëri.

At’ familje që e krijove dikur,

Kurrë shpinën ti mos ja kthe,

As mizën mos lejo me cënu,

Është e jotja veç ty t’përket!

/www.QendraPress.com/