Fryma poetike e së mërkurës me poeten;Manushaqe Hoxha LAÇI

Valsi i lumturisë

———————————–

Me rrezen e syrit, seç ma ndez ëndrrën

Me polen të lules, ç’ma mjaltos këngën

Kërcen ti me naze, si flutur hedh këmbën

Këmbën lehtë e hedh, loz si një flutur

Dredh e përdredh, bel e trup të bukur

Larë me vesë agimi, thellë shpirtit, futur

Ç’ma trazove ndjenjën, futur thellë në shpirt

Në vals lumturie, m’i kthen natë e ditë

Dejesh më deh aromë, puhizë e trëndafiltë

Me shigjetë të syrit, më ndez çdo dëshirë

Moj gonxhe lëndinash, buzë rrëkes mbirë

Me dritën e hënës, ndrin në errësirë

/www.qendrapress.com/