Fryma poetike e së mërkurës me poetin brilant;-Gëzim AJGERAJ

ÇASTE ME HESHTJE E ZEMËRIM

————————————————-

Me ditën sot ndamë këtë heshtje plot mjegull

Dhe kjo mugëtirë që mi ngushton hapësirat horizontit

Përtej flatrojnë verbërisht vegimet e largëta

Dhe kujtimet e heshtura që kurrë s`do të kthehen

E kotë të jetosh me ëndrrat e së shkuarës

As bukuri e tyre e as melhemi s`kthehen më

A kthehen rrugët nga kemi ecur a ikja nëpër mall

As stinët e pranverave të njoma as gëzimet

As rrjedha e lumit tek burimi as loti i nënës tek porta

As ikja e babait atë ditë vjeshte pa lamtumirë

E sotmja e përmalltë tërhiqet dhimbshëm frenave të së shkuarës

E si kuaj të hazdisur vrapojnë motet e trazuara

As globi e as ne s`ndjejmë qetësi se për shije s`flet kush

Në një kohë kur flitet për atom e për flakë luftërash

Manjakët kanë pushtuar botën e politikat hanë kokat e njerëzimit

Art i ushujzave kjo e mallkuara, mjerë njerëzimi

E ti që matesh me diellin miku im

e sheh përtej errësirave

Ec e duroj këto vegulli qielli mbi kokën tënde

Ec e bindju kësaj miopie që ka verbuar horizontin e diellit

Ec andej nga ecin luanët vetëm e grushto kohën e ligë

Mos e ndal udhëtimin tënd drejt diellit.

Nëntor, 2024

/www.QendraPress.com/