Fryma poetike e së mërkurës me poetin:-Gëzim AJGERAJ

ANTISIMBIOZË

——————————-

Ka një shekull

ky fqinji im

me gjarpër e shajkash mbi kokë

helm e vrer vjell

e pi gjak

oborreve të mia

Ka njëqind vjet

që me gjakun tim

mbush kupat e dhunës

e ushqen pjellën e vet

me krimin

e përditshmërisë

A nuk m’i shihni

varret tek oborri

kullat e shkrumbuara

fëmijët e djegur në djepa

plakun e shkrumbuar në kullë

e varret e mbeta thatë

Ka njëqind vjet

që ky fqinji im

nën shajkash

fsheh helmin e gjarprit

e m’i helmon përditë

zogjtë tek oborri

E mua

më mbeti e zgjatur

dora e paqes

kah fqinji im gjarpër

me shajkash mbi kokë

/www.qendrapress.com