Fryma poetike e së mërkurës me poetin;-Hatip HULAJ

JETA ËSHTË E SHKURTËR

——————————–

Jeta po më duket

si fitili i llampës

po i fryu dikush

të lë në terr të natës !

Bëni,çka të bëni

për një çast mendoni

jeta është e shkurtër

kujdes si veproni .

Të punojmë për këtë botë

jo për botën tjeter,

jeta është shkurtër

avullohet porsi eter.

Ne jemi popull fisnik

jemi popull i vjetër,

kontribuuam për të huajit

dhe pak për vetveten.

Shumë perandori

kaluan në Ilirinë tonë,

na ndërruan fetë

na zvogëluan vatan.

Perandoritë e huaja

lan edhe farën e vet,

herë u bëmë popull

herë u bëmë milet.

Herë besuam në gjarpër,

herë besuam në Olimp,

herë u bëmë me hoxhë ,

herë u bëmë me prift.

Sot ne si popull

jemi më të arsimuar,

por feja me komb

shumë na janë ngatërruar.

Edhe kur shkojmë krushqi

edhe kur shkojmë në të parë

prijës të grupit

e zgjedhim një fetar.

Leni more fetë

ç’ju duhen ato

armiku na futi “thikën”

përçaj dhe sundo.

Dhe kur armiqtë tanë

shkojnë deri në hënë,

ne me mashtrimet e tyre

Kosovën e bëmë “kurban”.

Dhe kurbani

copë në copë ndahet,

kujdes dhe Kosova

ashtu mos të shpërbëhet.

/QendraPress/