Fryma poetike e së mërkurës me poetin;-Maxhun OSMANAJ
TI
(Shkrimtarit, në Ditën Ndërkombëtare…)
—————————————–
Ti bredh nëpër kohë, nëpër stinë…
I tundosur dhe sikur i humbur
Shpesh i hutuar n’labirintet e betejave
Ngarkuar n’shpirt, ke kohërat, njerëzit…
Dhimbjet t’i mbulojnë shpresat
Bashkë me zhgënjimet me thinja
Agimet dhe muzgjet i ke shtretër
Mos ëndrrat ta vrasin peizazhin e jetës
Dhe ngjyrat e kohës, shpesh t’i vërbojnë sytë
TI, këngës i jap udhë, zë dhe shpirt
TI, diell që rrit farën e dashurisë
Shpesh të akuzojnë, të dënojnë, të vrasin
Pushtetet, tiranitë dhe diktatorët
Fjala dhe porosia jote
Fiton mbi gjyqësitë e pista
Errësirën e trushpërlarëve i lë pa fjalë
Ideali i përjetshëm dhe ëndrra e mendimit t’lirë, lirisë
Ju mban gjallë
Istog, më 3 mars 2026
/QendraPress/
