Fryma poetike e së mërkurës me poetin:-Sabit RRUSTEMI

TEK AJO LOÇKË ZEMRE KUR T’AFROHESH

————————————————————

Ti shtegtar jete ngado qofsh

nga ç’anë të nisesh ku do shkosh

për tokë apo kaltërsisë së pafund

tek bart atë ndjenjë

që kurrë s’e ke tradhtuar

për asnjë çast mos u hamend

dashurisë bëri vend

Po u godite me hir a pa hir

si zog në fluturim e këndim

nga dorë e ligë rrugaçësh

tek ajo Loçkë zemre kur t’afrohesh

nuk ke pse kujtohesh

ballëhapur e pa ngurrim

dashurisë jepju deri në amshim

Po të zuri dhe fati

i një gjethi me vjeshtë

në kopsht park a kudo

dhe fshesë pastruesish

a gjuhë erërash

të fshijnë e hedhin ngado

ti mos hezito asnjë trohë

për dashuri prore gjej kohë

( 31 dhjetor 2020 )

_____________________

( Poezia përmbyllëse e kryeveprës sime në katër vëllime, HYJNORJA IME JE TI,

/www.qendrapress.com/