Fryma poetike e së mërkurës me poetin;- Sahit F. OSMANI
LUMTURIA E DASHURISË
————————————–
Në zemër ruhet lumturia e dashurisë
Me flatrat e zogut të shërojë dhimbjet
Të ngjitë rrezet për të ngrohur shpirtin
Pikon vesë agimi në plagët e trishtimit
Fytyra ia ruan bardhësinë e gëzimit
Gërshetë që harmonizon ngjyrat në krahët e ylberit
Folea e saj e bën njeriun më të sigurtë
Qëndron pērjetësisht dritare e hapur
Njerëzit i lidh me gjakun e zemrës
Zhvendos kohërat i qumështon qarjet
Duart e të verbrit i bèn kyç të ndritshëm
Që ta shohin terrin se si rrokulliset…
Që ta shohin shkëlqimin e yjeve në qiell
Lumturinë e dashurisë në ditën me diell
Aty ku jeta çelet dhe në mes të ngricave
Aty ku ngjizet e mirja dhe soset e keqja
