Fryma poetike e së mërkurës me poetin;-Skender BERISHA
SIKUR TË VINTE NJË SHI
———————————
Sot kënga nuk më del
Fjalët gjumi i ka zënë
Një varg nuk e bëjnë dot
Grimcoj veten më kot
Mëngjes e diell plot
Lumi zvarget i lodhur
Edhe kafja pret e ftohet
Diçka sërish po vonohet
Edhe ti po endesh diku
Grykës e grykës është pjekur fiku
A vjen a nuk vjen s’e di
Një varg i vetëm pastaj ti
Cigaret e varguara flasin në vete
Shtyhen nëpër bezen gri
Një re po mblidhet atje tej
Ah sikur të vinte një shi shi…
/QendraPress/
