Fryma poetike e së mërkurës me poetin;Hysen GRAJÇEVCI

ZOTI IM DI SHQIP

———————–

Aman, flisni shqip,

Shqip, që të kuptojë “xhemati”.

Nuk jam arab, as romak, as filistin!

Shqiptar jam,

Shqiptar!

Prandaj, lutuni shqip!

Shqip lutjen ma bëni,

ashtu si të dini,

vetëm shqip lutuni!

Zoti im di shqip

Nuk dua ta lëndoj askënd,

Askënd nuk atakoj

Unë kam një flamur,

Një flamur që denbabaden

Për të gjak është derdhur,

Pra si ta mohoj,

Pse ta mohoj!?

Respekt secilit,

Por, flamuri im ka fushën e kuqe

Shqiponjën, të zezë, në mes

Dhe nuk më duhet tjetër

As në ditën e varrimit nuk dua tjetër!

Me këtë flamur luftoi Pirrua, Gjergji,

Për këtë gjuhë e për këtë flamur

Ra Petro Nino Luarasi…, Fazliu, Ukshini, Tringa, Shota…

Pra, si po më thoni:

Ta mohoj gjakun tim,

Flamurin tim!?

Jo, se kam frikë nga mallkimi,

nga mallkimi i gjuhës dhe gjakut!

Mundësisht në rrasë varri

dy fjalë shqip, si epitaf…!

/www.qendrapress.com/