Fryma poetike me poeten:-Linda SHAQIRI

Rrugë e grisur në letër

—————————————

Rrugën e grisur në letër,
E përplasa diku në një qoshe,
Ndeza zjarr me kohën e vjetër,
Të bëjë dritë rruga jote,
E shtrirë në akullnajë,

Nga acari i brishtë,
U poq në xhamin e dritës,
Një dhimbje e shkrirë në varg,
Aty u rritën trëndafilat e gdhendur,
Dhe nga gjemba rrodhi gjaku,
Si një shenjë e baladës së fjetur,
Një drithërim e zogut në shtegtim,

Një oqean,
I mbushur me copëza vreri,
Në ditën kur ti linde,
Ra terri mbi feniks,
Nën hijen e hënës u poqe,
Nga drita e diellit u dogje,
Mbeti hiri në xhamin gri,
Aty u gdhende si stoli,
Në vargun tim poezi !

/www.QendraPress,com/