Gjendet një person i vdekur në Prishtinë
Një person është gjetur pa shenja jete dje në një banesë në Prishtinë.
Rastin e ka konfirmuar Policia e Kosovës përmes raportit 24 orësh, shkruan Reporteri.net.
Policia bën të ditur se viktima është mashkull kosovar dhe vdekjen e tij e ka kostatuar ekipi mjekësor që ka dalë në vendngjarje.
Me vendim të prokurorit, bëhet e ditur se trupi i pajetë i viktimës dërgohet në Institutin e Mjekësisë Ligjore për obduksion.
Njoftimi i plotë i Policisë:
Prishtinë 14.11.2020 – 08:48. Raportohet se në banesë, është gjetur pa shenja jete viktima mashkull kosovar. Në vendin e ngjarjes kanë dalur njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pa jetë i viktimës dërgohet në IML, për obduksion
