Grabitje si në filma në Kaçanik: E lidhin gruan me lidhëse plastike dhe ia marrin kasafortën nga shtëpia

Një grabitje me armë të ftohet ka ndodhur në fshatin Gjurgjedell të komunës së Kaçanikut të shtunën rreth orës 22:00.

Rastin e ka konfirmuar Policia e Kosovës përmes raportit 24 orësh, shkruan Reporteri.net.

Viktima femër kosovare ka raportuar se tre persona të panjohur kanë depërtuar me forcë në shtëpinë e saj dhe e kanë lidhur me lidhëse plastike.

Më pas e kanë sulmuar edhe fizikisht dhe nën kërcënimin e armës e kannë detyruar që t’ua tregojë vendin e kasafortës.

Të dyshuarit kanë marrë kasafortën dhe janë larguar në drejtim të panjohur.