Hoti: Momenti i ri bashkëpunimi me Shqipërinë, Kosova partner konstruktiv i iniciativave rajonale
Kryeministri i Kosovës, Avdullah Hoti ka thënë sot në konferencën e përbashkët me kryeministrin e Shqipërisë, Edi Rama se me marrëveshjet e nënshkruar po krijohet në moment i ri bashkëpunimi.
Hoti tha se po punojnë intesivisht të kontribuojnë në stabilitetin rajonal.
“Me këto marrëveshje dhe me qasjen që kemi ndërtuar si dy vende jemi duke punuar intensivisht të kontribuojë në stabilitetin dhe zhvillimin e rajonit”, tha Hoti.
Ai tha se Kosova mbetet e përkushtuar të jetë burim stabiliteti në rajon dhe partner konstruktiv i iniciativave rajonale. “Sa më shumë që rajoni, e veçanti disa që shkëputen nga lindja dhe lidhen me perëndimin është interes i të gjithëve”, tha Hoti
