Insiston Zemaj: Kemi siguruar mbi 1.2 milionë vaksina anti-Covid

Ministri i Shëndetësisë, Armend Zemaj ka thënë se Kosova ka siguruar 1 milionë e 220 mijë vaksina anti-Covid.

Zemaj përmes një postimi në Facebook ka kërkuar respektim të masave, derisa ka thënë se vendi ynë po e menaxhon suksesshëm pandeminë, ndërkohë që në vendet evropiane shifrat vetëm sa po rriten.

“Edhe një herë ju siguroj qytetarë të vendit tim që tashmë kemi siguruar 1,220,000 vaksina anti Covid.

Deri në arritjen e vaksinave anti Covid, të vazhdojmë t’i respektojmë masat, të mos i ngarkojmë institucionet shëndetësore dhe të gjithë të hospitalizuarit jo vetëm me Covid por edhe për nevojat dhe shërbimet tjera shëndetësore”, ka shkruar Zemaj ndër të tjera.

Postimi i tij:

Qytetarë të nderuar,

Duke ju falënderuar për bashkëpunimin e deritanishëm që keni pasur me institucionet e vendit, për respektim të masave anti Covid, ju ftoj që edhe më tej të vazhdojmë bashkë luftën kundër Covid 19.

Jam përpjekur maksimalisht që kuadrit profesional dhe shumë të përkushtuar, t’i shtohen 1.500 specializantë, punësimin e të gjithë mjekëve të papunë, si dhe shtimin e personelit shëndetësor për 608 punonjës.

Kuadri profesional, ka gjetur angazhim të plotë në sistemin shëndetësor të vendit dhe largimi i mjekëve nga Kosova është zvogëluar shumë duke gjetur këtu perspektivën.
Edhe një herë ju siguroj qytetarë të vendit tim që tashmë kemi siguruar 1,220,000 vaksina anti Covid.