Ish-deputeti i PDK-së ftohet nga Gjykata Speciale për intervistim
Ish-deputeti i Partisë Demokratike të Kosovës, Latif Gashi, është ftuar për intervisitm nga Gjykata Speciale.
Përmes një njoftimi në Facebook, Gashi, ka shkruar se ka marrë thirrje telefonike nga një hetues në Gjykatën Speciale.
Ky intervistim do të bëhet më 27 gusht.
“Tani dhe kurdo qoftë, Unë dhe bashkëluftëtarët e mi edhe këtë herë do të dëshmojmë se Lufta e Ushtrisë Çlirimtare të Kosovës ka qenë vendimtare e drejtë dhe do mbetet e tillë”, ka shkruar Gashi.
Gashi, po ashtu ka thënë se do të falin faqebardhë dhe me dinjitet, duke aluduar në luftën e Ushtrisë Çlirimtare të Kosovës.
