Ka ndërruar jetë veprimtarja e çështjes atdhetare Mihrije Krasniqi- Bytyçi

     Ka ndërruar jetë veprimtarja e çështjes kombëtare e orëve të para të viteve 1981, e torturuar barbarisht nga sigurimi shtetëror jugosllav, por mjerisht shqipfolës. E burgosën, por në mungesë të fakteve, pas një muaji lirohet. Ishte e dërmuar fizikisht nga rrahjet e paskrupullta. Mihrije Krasniqi- Bytyçi ishte e diplomuar në Fakultetin juridik në Prishtinë, ishte kuvendare  e Asamblesë në Kuvendin e Prizrenit dhe ka punuar në Shërbimin sprovues të Kosovës, me qendër në Prizren.
Mihrija la pas vetes: burrin Muhamet Bytyçin, djalin Ilirin me nusen Qendresën dhe mbesën Daorsën, vajzën: Dafinën me djalin Drenin dhe Doruntinën.
Ishe e qetë edhe gjatë lëngatës gjashtëmujore ashtu siç ishe njeri i drejtë dhe paqësor gjatë tërë jetës .Mihrija një jetë  të  plotë ishte në shërbim të  Kosovës dhe pa u lodhur për asnjë çast  I shërbeu lirisë .Mihrija  shet  dhe  do të mbahet mend si  iniciatorja  në cilësinë  kuvendares  që kërkon të  ngiten lapidare për dëshmorë, sepse ajo ishte  brumosur që ne vegjëli për atdhe   dhe  për Kosovë, Sot e kujtojnë me pietet  familjarët e  sajë  , ajo  do të mbahet mend si një grua e fuqishme, por   paqësore deri në fund /qendrapress.com/