Kadri Veseli niset për në Hagë.

                       Ish-kryeparlamentari Kadri Veseli është nisur për në Hagë të Holandës, pas një vizite të shkurtër te familja e tij në Mitrovicë, si dhe te varri i nënës së tij, e cila vdiq të premten.Dhomat e Specializuara të Gjykatës Speciale dhe EULEX-i për Reporteri.net gjatë ditës së djeshme kanë folur rreth vizitës së Veselit në Kosovë.“Për shkak të arsyeve detyruese humanitare, gjyqtari i procedurës paraprake udhëzoi sekretarin që të menaxhojë një vizitë në Kosovë për z. Veseli për ta takuar familjen. I akuzuari mbetet në paraburgim nga Dhomat e Specializuara. EULEX-i dhe Policia e Kosovës po mbështesin Dhomat e Specializuara të Kosovës”, tha për Reporteri.net Michael Doyle nga ZPS-ja. ZPS po ashtu tha se për arsye operacionale dhe për të respektuar privatësinë e Kadri Veselit, “nuk mund të japin asnjë informacion shtesë për vizitën e kujdestarisë në Kosovë”.Nëna e ish-kryeparlamentarit të Kosovës, Ajshe Veseli, ka vdekur të premten në moshën 93-vjeçare. Vdekja e saj vjen shtatë muaj pasi babai i Veselit ishte ndarë nga jeta.