“Kjo është ndër aksidentet më të rënda që kam parë”, flet shefi i policisë kroate pas aksidentit të autobusit kosovar

                                  Një autobus me targa të Kosovës është aksidentuar sot në Kroaci, ku si pasojë dyshohet se kanë vdekur 10 persona, gjersa janë lënduar 30 të tjerë.Përveç policisë, në vendin e ngjarjes janë parë edhe pjestarët e ekipit të zjarrëfikësve, ambulanca dhe 30 persona janë dërguar në spital. Njëri nga udhëheqësit e policisë në vendin e ngjarjes ka rrëfyer për rastin.“Unë kam qenë në shumë aksidente, por ky është me të vërtetë i rëndë dhe mendoj se është ndër aksidentet më të rënda që kam parë. Autobusi ishte plot, por nuk mund të them nëse kishte fëmijë mes të vdekurve ose të plagosurve. Sipas udhëtarëve, kishte mbi 60 persona në autobus”, tha Galic.“Situata është shumë e vështirë dhe ka ende numër të madh të pasagjerëve që iu kërcënohet jeta brenda në autobus”, tha një zëdhënës i policisë.“Shkaqet e aksidentit mund të merren me mend tani për tani, por asgjë definitive nuk mund të thuhet”, thonë autoritetet kroate.